Претседателот на шпанската фудбалска федерација Луис Рубиалес предизвика скандал по финалето на Светското првенство за жени кога ја бакна во уста играчката Џени Хермосо. Веднаш беше јасно дека Хермосо не се согласила на тоа и дека Рубиалес на непримерен начин ја одбележа победата на Светското првенство, но наместо да му се извини на фудбалерката и на целата земја за срамниот потег, тој почна да ги обвинува сите и да се преправа дека е „ невин“.
Затоа свика прес-конференција на која објави дека „нема да се пензионира“, ги обвини феминистичките организации дека сакаат да му направат штета, а најпосле и ФИФА мораше да се изјасни и го суспендираше. И тоа не е крајот на драмата, сега се вмеша и мајката на контроверзниот фудбалски работник.
Според ESPN, мајката на Луис Рубиалес се заклучила во црква и започнала штрајк со глад, сето тоа во знак на протест поради притисокот што го трпи нејзиниот син изминатава недела. Ова го потврди братучед на Луис Рубиалес, додавајќи дека се се случува во неговиот роден град Монтреал, во Андалузија. Засега не е јасно во каква состојба е Анхелес Бехар и дали сето тоа била идеја на нејзиниот наследник.
Според неа, таа ќе продолжи да штрајкува додека не заврши „ловот на вештерки“ против нејзиниот син, кој го опиша како „крвожеден и нечовечки“, оценувајќи дека Луис Рубиалес е жртва во сето тоа. Во меѓувреме, фудбалерката Хермосо беше поддржана од најголемите фудбалери од Шпанија, како и некои кои првично застанаа на страната на Рубиалес, како тренерот Де Ла Фуенте.
“Ќе штрајкувам дење и ноќе додека не заврши ова. Немаше злоупотреба бидејќи бакнежот беше доброволен од двете страни, за што сведочат и фотографиите. Мојот син не е способен да повреди никого”, изјави “грижливата” мајка на контроверзниот Луис Рубиалес.