18-годишна студентка од Кентаки загина кога тркало се откачи од камион. Тркалото минало низ шофершајбната на нејзиното возило и ја усмртило, утврдија истражителите.
Лорен Колинс возела во близина на границата со Охајо, кратко по полноќ, кога тркалото испаднало од камионот на автопатот.
Тркалото го „прескокнало“ бетонскиот насип, а потоа удрило во ветробранското стакло на нејзиното возило.
За брзо време пристигнале Брза помош и противпожарната служба од Волтон.
Колинс била пренесена во болница со повреди опасни по живот, каде подоцна починала. Полицијата соопшти дека Колинс била сама во возилото.
Возачот на камионот се уште не е идентификуван.