Страшното невреме кое попладнево ја зафати Хрватска создаде хаос во Загреб. Ветерот корнеше дрвја, носеше контејнери, мебел од кафулиња, а на социјалните мрежи беше објавено видео на кое се гледа како се урива кран од силниот ветар.
Oд хрватската полиција известија дека градежен кран паднал во Загреб на улицата Барон Филиповиќ, при што тешко е повреден 36-годишен маж. Истрагата за овој случај е во тек.