Српската премиерка Ана Брнабиќ денеска изјави дека е убедена дека иднината на иницијативата „Отворен Балкан“ е светла и дека на оваа иницијатива ќе се приклучат и други од регионот.
Таа истакна дека оваа иницијатива е „автохтона и исклучително практична, бидејќи сите проекти имаат специфична примена.“
„Без оглед на одредени изјави, а не верувам дека премиерот на Албанија, Еди Рама, е против иницијативата „Отворен Балкан“. Мислам дека и тој зборуваше за тоа. Значи, верувам дека иднината на оваа иницијатива е светла и безбедна“, рече Брнабиќ во заедничкото обраќање со премиерот на Северна Македонија, Димитар Ковачевски.
Брнабиќ и Ковачевски го посетија мобилното продажно место „Отворен Балкан“ – електронска наплата, на наплатната станица Прешево, во правец кон Северна Македонија.
Ковачевски истакна дека верува и дека иднината на иницијативата Отворен Балкан е светла, наведувајќи дека зголемената трговска размена на нејзините членки е најдобар показател дека иницијативата дава резултати.