Шест лица загинаа, а две се повредени во експлозија во фабрика за експлозиви во рускиот град Чапајовск, јавува агенцијата за итни случаи ТАСС. Фабриката, која се наоѓа на околу 30 километри од градот Самара на Волга, е управувана од Промсинтес, еден од главните производители на индустриски експлозиви во Русија и поранешниот Советски Сојуз.
ТАСС пишува дека експлозијата се случила при демонтирање на цевката, и дека немало пожар. Александер Кинштајн, пратеник од Самара, изјави дека експлозијата најверојатно била предизвикана од заварување и остаток од експлозив во цевките.
Од почетокот на руската инвазија на Украина, имаше серија експлозии и пожари во руски енергетски магацини, фабрики и друга инфраструктура. Властите некои од нив ги припишуваат на Украина и на проукраинските саботери. Киев, од друга страна, не ги коментира овие инциденти, само понекогаш сугерира дека тие се резултат на превирања во Русија.
Пет лица загинаа на 20 јуни во експлозија во фабрика за барут во областа Тамбов во Русија. Тамошниот гувернер негираше дека се работи за саботажа или напад.