Ноа Миливојев (18), по која се трагаше 20 дена, е пронајдена мртва во четвртокот попладне во стан во центарот на Белград. Нејзините пријатели синоќа се простија од брутално убиената другарка на плоштадот Република.
Меѓу оние кои дојдоа да и оддадат почит беше и нејзин близок пријател кој дури некое време живееше со неа. Тој во интервју за „Блиц“ откри детали од кобната врска на неговата пријателка.
– Тие беа заедно околу една година, но постојано имаше насилство. Ја избрка од станот, ја тепаше со патерици… Тој тип има психички проблеми – изјавил пријателот за „Блиц“.
Тој рече дека родителите на Ноа Миливојев знаеле за врската и не ја поддржувале.
– Го покажала своето момче на родителите, но бидејќи е многу постар од неа, тие воопшто не го сакаа – додал пријателот на Ное Миливојев.
Соговорникот рече дека Ноа Миливојев и нејзиното момче, за кое сега се сомничи дека ја убил и распарчил, често се расправале, но и дека таа имала многу свои проблеми кои поради него ги запоставила.
-Постојано се расправаа, но таа го трпеше и ги остави проблемите на страна. Ноа беше прекрасна девојка – изјави синоќа пријателот на Ноа Миливојев.