Во масовното пукање што се случи во понеделникот вечерта во Филаделфија, четири лица загинаа, а најмалку две се ранети.
Од полицијата велат дека напаѓачот е уапсен по убиството, а носел панцир, неколку куршуми, автоматско оружје, пиштол и полициски скенер.
Престрелката почнала вечерта околу 9.30 часот, а двајцата ранети се деца на возраст од две и 13 години. Нивната состојба засега не е позната. Убиени се четворица мажи на возраст меѓу 20 и 59 години, соопшти полицијата.
Како што пренесува Фокс њуз, напаѓачот продолжил да пука за време на полициската потера, а на крајот бил опколен во дворот на улицата Фрејзер, каде што бил уапсен.
Засега не е познат мотивот за злосторството.
„Немаме поим што се случило. Во овој момент, сè што знаеме е дека ова лице ја напуштило куќата и решило да пука во луѓето. Фала богу нашите полицајци излегоа и брзо реагираа. Не можам ни да ја опишам храброста неопходно беше тие да реагираат на овој начин“, изјави полициската комесарка Даниела Аутлоу.
Приведено е уште едно лице за кое во моментов се верува дека пукало во напаѓачот.