Премиерата на новиот филм од серијалот за Бетмен „Подем на мрачниот витез“ во Париз е откажана откако вооружен маж уби 12 лица на премиерата на филмот во градот Аурора во американската сојузна држава Колорадо.
Вработените го собираа црвениот килим пред киното на познатиот париски булевар „Шанз-елизе“.
Маж со гас маска фрлил солзавец и отворил оган во кино-сала во Аурора, убивајќи 12 лица и ранувајќи 50-тина други. Напаѓачот, кој е на 25-годишна возраст, е уапсен.
Според ФБИ, засега нема информации дека напаѓачот бил поврзан со некоја терористичка група.