Во Ница на југот на Франција, откриени се 40 овци во стан кој е наменет за социјални случаеви, а кој требало да биде празен.
Животните биле набиени во стан од 50 квадратни метри обложен со слама, јави денеска телевизијата Франс 3. Уапсени се двајца мажи во крвави маици.
Властите се сомневаат дека овците требало незаконски да бидат заклани пред Курбан Бајрам, муслиманскиот празник на жртвувањето.
Полицијата пронашла и заклани овци во станот, изјави општинскиот функционер Ентони Боре.
Останатите овци му беа предадени на одгледувачот.