Вчера во вечерните часови царинските службеници на граничниот премин „Деве Баир“ спречија обид за шверц на околу 71 килограм марихуана.
На граничниот премин на излез од државата се пријавило возило со германски таблички, управувано од германски државјанин со кој патувало уште едно лице. При детална контрола на возилото извршена од страна на царинските службеници, во специјално направени бункери откриени се 67 пакети опојна дрога марихуана, со бруто тежина од 71 килограм.
Дрогата и возилото се привремено задржани, а од страна на Секторот за контрола и истраги од Царинската управа против лицата е поднесена кривична пријава до надлежното Основно јавно обвинителство.