Полицијата во британскиот град Стафордшир ги именуваше двете деца кои починаа вчера, откако беа пронајдени повредени во куќа во Стоук-он-Трент.
Станува збор за 11-годишниот Итан Џон и неговата седумгодишна сестра Елизабет. Двајцата биле пронајдени со тешки повреди во куќа на улицата Лен, каде подоцна починале. Нивните училишта им оддадоа почит.
„Итан беше прекрасен член на нашата училишна заедница. Имаше беспрекорни манири и заразна насмевка. Ќе им недостасува многу на вработените и учениците и засекогаш ќе биде дел од нашите срца“, велат од училиштето на Итан.
Оддавајќи ѝ почит на Елизабета, нејзиното училиште рече: „Елизабет беше љубезен, грижлив и пријателски член на нашето училишно семејство. Таа беше пријателка на сите и сончев зрак кој секогаш имаше насмевка на нејзиното лице“.
49-годишна жена од Стоук-он-Трент е уапсена под сомнение за убиство.