Пет работници загинаа во експлозија во фабрика за ракети и експлозивни направи, соопшти денеска турското Министерство за одбрана.
Експлозијата се случи рано утринава во областа Елмадаг, во предградието на Анкара.
At least 5 people were killed and several others were injured in an explosion at a missile factory in Ankara, Turkey. pic.twitter.com/wT7S3wJHRB
— Diogenes (@OSINTNic) June 10, 2023
Причината за експлозијата се уште не е позната.
„Експлозија се случи во фабриката за ракети и експлозиви МКЕ во областа Елмадаг во Анкара. Во експлозијата загинаа пет наши работници. Покрената е кривична истрага за инцидентот“, соопшти Министерството.
Роднините на вработените кои дознале дека има експлозија во фабриката се упатиле пред објектот, објави ТГРТ Хабер.
Фабриката работи на исполнување на квотата за ракетни и експлозивни потреби на турското Министерство за одбрана и МВР.
Во фабриката се вршат експлозивни, термички и динамички тестови на ракетно гориво и барут.
По експлозијата на местото на несреќата пристигнале пожарникари кои го изгаснале пожарот, како и голем број амбулантни возила.