Турскиот претседател Реџеп Таип Ердоган го назначи својот портпарол Ибрахим Калин за шеф на Националната разузнавачка агенција (МИТ).
Ова го соопштија од кабинетот на Ердоган.
Ројтерс наведува дека Калин е долгогодишниот „доверлив човек“ на Ердоган и дека од 2014 година е портпарол на претседателството и советник за надворешна политика на Ердоган.
Агенцијата додава дека за министер за надворешни работи, наместо Мевлут Чавушоглу, е назначен поранешниот шеф на МИТ, Хакан Фидан, кој беше на таа функција од 2010 година.
Турскиот претседател одлучи повторно да го назначи Мехмет Шимшек на функцијата министер за финансии во новата влада, како и да го назначи Јашар Ѓулер, кој од 2018 година е началник на турскиот Генералштаб, за министер за одбрана.