Министерот за одбрана на Украина Алексеј Резников изјави дека земјата нема да користи борбени авиони Ф-16 во контраофанзивата против руските сили летово, туку ќе ја користи целата копнена опрема.
Во интервју за јапонската телевизија NHK во Сингапур, каде што учествуваше на безбедносен форум со високи претставници на одбраната од азиските и западните земји, Резников рече дека ќе биде потребно време за обука на украинските пилоти и дека Украина, исто така, ќе мора да се договори со своите партнери за обезбедување инженери и техничари кои можат да одржуваат авиони Ф-16.
Резников изјави дека Украина ќе биде подготвена да распореди авиони Ф-16 наесен или зима.