Претседателот на Србија, Александар Вучиќ, вечерва уште еднаш ја повика меѓународната заедница да дејствува одлучно против оние кои ја ескалираат ситуацијата на Косово и ја загрозуваат стабилноста.
Тој, говорејќи за Си-Ен-Ен, ги повика и Србите кои протестираат на северот на Косово да го направат тоа мирно и спокојно за да ја зачуваат стабилноста.
„Треба да разговараме со Албанците за да се договориме за договор кој може да се спроведе. Знам дека учесниците на протестот се посветени и решени да се борат на мирен начин за своите основни права. Тие само го сакаат своето право да го зачуваат своето име и презиме, да живеат таму каде што живееле цел живот. Мојот мал совет до нив е тоа да го прават мирно и спокојно“, изјави Вучиќ.