Српскиот претседател Александар Вучиќ изјави дека веќе не може Србија да очекува повеќе од 1,7 милиони кубни метри гас дневно од Азербејџан.
-Уште една лоша вест утрово не погоди, добивме известување од Азербејџан, од денеска не можеме да сметаме на 1,7 милиони кубни метри гас што ни доаѓаа секој ден. Од денеска многу посериозно ќе почнеме да ги трошиме резервите, рече Вучиќ.
„Сите што велеа „Вучиќ е луд“, сега испадна дека сме биле паметни да собереме резерви. Се надевам дека ќе го средат ова за месец-два. Ако не, сметајте на следните четири месеци, ќе треба да додадеме и да ги потрошиме резервите. И покрај недостигот на гас и нафта, ние сè уште не ја менуваме нашата цел да бидеме најбрзо растечка економија во Европа“, објасни тој.