Новоизбраниот претседател на Српската напредна странка, Милош Вучевиќ, денеска во Крагуевац, по вонредната седница на партиското собрание, најави дека на 24 јуни ќе се конституираат партиските тела, а потоа ќе се приклучат на големото народно движење.
Вучевиќ рече дека најголемото наследство што го наследил од претседателот Александар Вучиќ во однос на партиската политика е тоа што интересите на Србија се пред се.
Потсети дека СНС секогаш пред се, се грижела за татковината и за интересите на Србија, па дури потоа партиските интереси можеле да дојдат до израз.
– Ќе продолжиме да работиме заедно, со Извршниот комитет на чело со Дарко Глишиќ, на 24 јуни ќе го избереме Главниот комитет на партијата, Претседателството, заменик-претседателот, потпретседателите и се што понатаму ќе се конституира во органите на партијата, со што ќе се заокружи целиот процес. Кон крајот на јуни, како што нагласи, се приклучуваат на големото патриотско народно движење, кое го сфаќаат како повик за зајакнување на политичкиот фронт за државата – реќе Вучевиќ.
Тој додаде дека прашањата со кои ќе се соочи Србија во наредниот период ќе бидат многу попредизвикувачки, особено во однос на Косово.
Затоа, како што нагласи, важно е СНС да има широка политичка перцепција и да дава шанса да се вклучат членови на други партии, како и оние кои сакаат да останат непартиски личности, како би се бореле за силна и обединета Србија.