Администрацијата на американскиот претседател Џо Бајден ја предупреди Украина да не ја користи својата опрема за напади врз цели во Русија, изјави за Си-Ен-Ен портпаролот на Советот за национална безбедност на Белата куќа, Џон Кирби.
„Уште еднаш, многу јасно им ставивме до знаење на Украинците какви се нашите очекувања во врска со нападот врз Русија – ние не сакаме да го охрабруваме или да го овозможиме, ние секако не сакаме опрема од американско производство да биде се користи за напад на руско тло“, рече Кирби.
„И добивме гаранции од Украинците дека ќе ги почитуваат тие желби… бевме многу јасни дека сакаме Украина да може да ја брани својата почва, сопствената територија. Тие беа нападнати. Тие имаат право да се бранат“, рече тој.
„Но, исто така, бевме јасни дека не сакаме да видиме оваа војна да ескалира подалеку од ова“, заклучи тој.