Таен подземен премин стар 1.500 години, кој преживеал бројни земјотреси, неодамна е откриен за време на археолошките ископувања во урнатините на црквата Свети Полиевкт во Истанбул.
Издлабените мермерни блокови и релјефи во подземниот премин, кој содржи мозаици и камени влошки, ги импресионирале истражувачите.
Махир Полат, заменик генерален секретар на градската општина Истанбул, рече дека оваа градба е одличен пример за градска архитектура која го издржа тестот на времето и гневот на земјотресот.
„Истанбул, кој моментално се бори со ризикот од земјотреси, во тие 1.500 години преживеа десетици земјотреси и оваа градба успеа да ги преживее сите. Можевме да научиме нешто од тоа“, изјави Полат.