Мајката на една од жртвите на масакрот во основното училиште „Владислав Рибникар“ во Белград, кога ученик уби девет негови соученици и обезбедувачот Драган В., зборуваше за српските медиуми и откри нови детали за крвавиот масакр.
Мајката истакна дека и на наставниците и на децата им е тешко да продолжат, а издвои еден херојски чин на учител кој не го именуваше, но нагласи дека бил присебен.
– Еден наставник тој ден истрчал од спратот надоле, откако го слушнал пукањето, мислел дека некој влегол од страна, барем двајца-тројца, така звучело – рафален оган. Кога ги видел телата, се вратил горе на спратот и ги одвел децата до излезот, а потоа влегол во одделението каде се пукало и извикал: „Има ли живи?“, раскажа таа за медиумите.
Како што вели, се уште има наставници кои се уште не се свесни што се случило, а има и такви кои можеби не ги разбираат размерите на ова злосторство. А до каде е траумата кај децата, вели, останува да се види.
На кобниот 3-ти мај во 08:40 часот, малолетник убиец со пиштол во рацете упадна во училиштето и од врата го застрела чуварот Драган Влаховиќ, кој почина од повредите.
Убил уште три девојчиња во ходникот, меѓу кои и девојчето чија мајка ги кажа овие нови детали.
После тоа упаднал во кабинетот по историја кој се наоѓал веднаш до вратата и продолжил со крвавиот поход. Таму уби пет ученици и рани повеќе.
Десеттата жртва им подлегна на повредите по 12 дена борба за живот, во која учествуваа лекарите од Универзитетската детска клиника во Тиршова. Таа беше погребана вчера.