Момчето (13) кое изврши масакр во неговото основно училиште „Владислав Рибникар“ во Врачар веќе шест дена е на специјално одделение на Клиниката за неврологија и психијатрија за деца и млади, а како што дознава српски Курир, неговата мајка ниту еднаш не изрази желба да го види.
Момчето на 3 мај, во училиштето во кое одеше, уби осуммина свои пријатели и обезбедувачот Д.В. (51), а рани шестмина, меѓу кои и наставникот по историја Т.С.(54).
– Тој е сместен на Клиниката и е следен од лекари кои секојдневно ја следат неговата состојба, а објектот е и под надзор на Одделот за криминалистичка полиција. Никој од неговото најблиско семејство не дошол да го посети, ниту пак изразил желба за тоа – вели извор на Курир близок до семејството на момчето.
Единствениот кој дошол на Клиниката за момчето e неговиот братучед кој не го посети, туку само дојде и им ги предаде личните работи за него на вработените.
– Татко му е во притвор, па нема можност да го види, а мајка му не побарала да оди кај него – вели соговорникот.