По страшната трагедија што ја зави Србија, но и поширокиот регион во црно, денеска беа погребани убиените ученици и вработениот во обезбедувањето од основното училиште „Владислав Рибникар“ во Белград.
Вооружен со пиштолот на својот татко, 13-годишниот Коста К. го убил вработениот во училишно обезбедување, а потоа уби осум ученици. Ја застрела и учителката, но таа преживеа. Убиецот е уапсен. Засега се знае дека делото било внимателно планирано еден месец, како и дека убиецот имал список со деца кои планирал да ги ликвидира.