По вторпат се одложи изборот на претседател на Судскиот совет по незаконското разрешување на Весна Дамева. По одложувањето на претходната седница поради немање мнозинство, причините за денешното одложување не се познати.
Претседателката на Судскиот совет Весна Дамева која беше незаконски разрешена на претходната седница обвини дека потпретседателот не ги заштитил судиите од притисоците и заканите кои го добивале.
– Нарушени се сите наши понатамошни постапувања на Судскиот совет. Очекував дека ќе имате мнозинство, но ќе оставиме да видиме дали вашето незаконско разрешување без постапка понатаму на некој начин ќе се легализира. Требаше да не заштитите од сите можни влијанија, притисоци и закани. Не знам што може да се смени по два или три дена. Јавноста ајде да слушне зошто сум разрешена – рече Дамева.
Заменик претседателот Селим Адеми претходно и порача на Дамева да си закаже прес-конференција и да каже дали тој и вршел притисок.
Нејзиното разрешување беше незаконско затоа што според член 36 од Законот за Судски совет и членот 8 од Деловникот, потребна е одлука со минимум 8 гласови, а Дамева беше разрешена со гласови на седум членови на Судскиот совет.
Дополнително, Деловникот вели дека предлагач не смее да гласа, што значи Дамева била разрешена всушност со 6 гласа, бидејќи тој на Адеми како предлагач, е невалиден.