Отоци и модринки на очите, повреди на рацете, расечена усна и раскрвавен нос. Ова се само дел од повредите со кои се здобија двете жени- мајка и ќерка од скопската населба Петровец.
Тие биле нападнати од нивниот сосед за кој тврдат дека со години им се заканува и ги малтретира. Во текот на вчерашниот ден ситуацијата ескалирала и жените биле и физички нападнати од соседот. Тврдат дека удирал по нив и со боксови, но и со клоци.
Веднаш повикале полиција и како што информираа од МВР, насилникот бил приведен, го признал делото и ќе добие кривична пријава за насилство.
-Како и до сега и понатаму живеме со уште поголем страв во сопствениот дом за да не доживееме уште нешто полошо, а не дај Боже да дојде до убисто поради заканите кои ги добиваме со години секојдневно. Се плашиме да излеземе од дома, и во сопствениот двор бидејќи сме мета на психичко и физичко насилство. И покрај тоа што пријавувавме во полиција со години не се случуваше ништо, туку стануваше се полошо и полошо за на крај да завршиме насилничи претепани. Очекувам дека ова ќе допре до надлежните органи да постапат на начин на кој налага законот со цел „насилникот” биде таму каде што трба да биде бидеќи е животно загрожувачи да остане на слобода, изјави за А1он, претепаната девојка Мелиса Захитовиќ.
Претходно таа бараше помош од државата преку објава на Фејсбук.
„Државо?
Насилникот кој мене и мојата мајка физички брутално не нападна во мојот двор на 27.04. 2023 година удирајќи не со тупаници и со нозе, влечејќи не за коса и удирајќи не со стопалото во лице, Е НА СЛОБОДА И СЕ ШЕТА СЛОБОДНО!!!!
Уште колку лица треба да бидат физички нападнати за оваа држава да реагира?
