Две гостиварки, мајка и ќерка синоќа се убиени во нивниот дом. За двојното убиство, осомничен е Владимир Ц. (43) кој набрзо по настанот е приведен.
Според првичните сознанија на СВР Тетово, Владимир, околу 22 часот, со секира ги нападнал својата мајка Димитрула (71) и сестра му Славица(46) во куќата на улицата „Илинденска“ во Гостивар.
Случајот во полиција го пријавил сосед, кој слушнал повик за помагање и викотници. Според првичните и неофицијални информации, во семејството, подолго време постоеле недоразбирања, а можно како причина да е психичката растроеност на Владимир.
Полицијата, истражен судија и јавен обвинител до доцна во ноќта, вршеа увид и ги утврдуваа околностите кои довеле до семејната трагедија.