31-годишен маж од струшкото село Враништа го загуби животот во сообраќајна несреќа откако со возило „фолксваген широко“ излетал од патот во регионот на Центар Жупа. Смрт констатирал лекар од Итната медицинска помош.
– На 16.04.2023 во 13.55 часот било пријавено дека на локалниот пат с.Елевци – с.Евла, Центар Жупа, патничко возило „фолксваген широко“ со струшки регистарски ознаки, управувано од М.М.(31) од с.Враништа, излетало надвор од коловозот. На местото на несреќата починал возачот, а смрт била констатирана од страна на лекар од Итна медицинска помош, се наведува во соопштението од Министерството за внатрешни работи.
Извршен бил увид од Јавен обвинител и увидна екипа од Полициската станица Дебар.