Во крвавата пресметка што се случи во Асперг, Германија, загина еден млад човек (18), додека друг е тешко повреден.
За ова дело уапсен е Амер С., по потекло од Србија, син на локален бизнисмен.
Германските медиуми јавуваат дека престрелката се случи на паркингот, а ја пријавиле жители. Полицијата веднаш излегла на местото и затекнала грозоморна сцена: таму лежеле двајца осумнаесетгодишници – едниот тешко повреден, другиот мртов. Повредениот млад човек веднаш е пренесен во болница.
По убиството, полицискиот штаб формираше специјална комисија наречена „Гето“. Околу 40 полицајци со експерти од Државната криминалистичка полиција Баден-Виртемберг отворија истрага во сите правци. Во потрагата e употребен и хеликоптер.
Се испостави дека тоа дало резултати, а осомничениот, како што пренесува Билд, e уапсен. Се испостави дека станува збор за човек по потекло од Србија, а неговото апсење беше како нешто од филмовите.
Се вели дека специјалците го уапсиле осомничениот во долна облека откако упаднале во неговиот дом.
– Од удар на блиндиран автомобил e пробиена влезната врата од луксузниот семеен имот – пренесува „Билд“, кој ја објави и информацијата дека уапсениот е Амер С., по потекло од Србија е син на локален бизнисмен.
Се уште се нејасни околностите и мотивот на злосторството, се вели во полициското соопштение.
Градоначалникот на Асперг, Кристијан Ајбергер, рече дека населението на градот е во шок по злосторството.
– Ова е нова димензија на насилство што не можев да ја замислам. Местото на злосторството, паркинг со чакал, се наоѓа во центарот на градот и не беше познато како типично место за средба на младите. Сега е важно да се врати чувството на сигурност кај луѓето – рече Ајбергер.