Францускиот претседател Емануел Макрон беше пречекан во Холандија од демонстранти кои не се задоволни од контроверзниот закон за пензиските реформи.
Полицијата совлада и приведе демонстрант во Амстердам, откако тој истрча кон Емануел Макрон и почна да вика додека францускиот претседател пристигнува на универзитет на вториот ден од неговата посета на Холандија.
Инцидентот се случи кога Макрон пристигна со холандскиот крал во научниот парк на универзитетот.
Демонстрантот бил совладан од обезбедувањето и полицијата пред да биде уапсен и одведен во полициско возило.
NEW – Security guards knock a man to the ground during Macron's visit to the University of Amsterdam. pic.twitter.com/1mITI7H5iB
— Disclose.tv (@disclosetv) April 12, 2023
Посетата на Макрон продолжи откако демонстрантот и уште еден маж беа приведени.
Во вторникот холандските демонстранти го прекинаа говорот на францускиот претседател во институтот Нексус во Хаг, по што тој рече дека оние кои не го почитуваат изборниот процес и избраните лидери ја ставаат на ризик демократијата.
Холандските медиуми објавија дека додека Макрон ја изложувал својата визија за иднината на Европа во Институтот Нексус во Хаг, демонстрантите развиле транспарент на кој пишувало: „Претседател на насилството и лицемерието“ и извикувале: „Каде е француската демократија? Каде ја изгубивме ?”
Главниот извор на нивниот гнев е контроверзниот закон за реформа на пензискиот систем во Франција.
Макрон продолжува да го брани нацрт-законот за пензиските реформи и одлуката за зголемување на старосната граница за пензионирање од 62 на 64 години до 2030 година.
Тој додаде дека старосната граница за пензионирање е уште поголема во некои европски земји и ја нагласи потребата од реформи.