Двете малолетни девојчиња кои беа пријавени за исчезнати завчера вечерта во Скопје, се пронајдени, потврдија извори од МВР за А1он.
„Денеска во 13.30 часот на улицата „Џон Кенеди“, кај продажен објект во паркот, од страна на полициски службеници од Полициска станица Бит Пазар пронајдени се малолетничките М.К.(15) и А.А.(12), за кои на 30.03.2023 во вечерните часови беше пријавено дека се оддалечиле. По документирање на случајот, малолетничките ќе бидат предадени на родителите“, известуваат од МВР.
По девојчињата, 12-годишната Аниса и 15-годишната Мелиса се трагаше од пред два дена, откако родителите на двете малолетни девојчиња ги пријавиле за исчезнати.
Родителите кои го пријавиле случајот во полиција и на социјалните мрежи објавија повик за помош.
