12-годишно девојче од Скопје е исчезнато од вчера. Родителите кои вчера вечер го пријавиле случајот во полиција на социјалните мрежи денеска објавија и повик за помош.
Семејството на 12-годишната Аниса Ајро од Скопје од утрово ја бара по социјалните мрежи и оставени се телефонски броеви ако некој ја види да се јави на блиските.
Аниса во моментот на исчезнувањето носела црна јакна и кафеави панталони. Висока е околу 163 см.
МВР го потврди случајот и посочи дека како исчезнато се води и другото постаро девојче со иницијали М.К. кое почесто исчезнувало од домот и ја враќале назад.
„На 30.03.2023 во Полициска станица Бит Пазар во 20.30 часот Е.А.(38) пријавил дека се оддалечила неговата ќерка А.А.(12), а околу 22.00 часот Ѓ.О.(39) пријавил дека се оддалечила неговата ќерка М.К.(15). М.К. и претходно во повеќе наврати се оддалечувала од домот и била враќана назад. Се преземаат мерки за пронаоѓање на лицата“, велат од МВР за „А1он“.