Откако на улиците на Буча на крајот на март беа откриени тела на цивили по повлекувањето на руските сили, овој град стана синоним за руска бруталност.
Украинските власти проценуваат дека во ослободените области на киевската област загинале 1.137 цивили, од кои 461 во Буча.
Меѓународните истражители собираат докази за масакрот во тој град.
Ројтерс пишува дека денес Буча е полн со живот. Млади семејства се шетаат низ централните улици, а звуците на градежните работи се слушаат насекаде. Сепак, низ градот сè уште се видливи лузни од војната, како уништени згради и депонии полни со уништени автомобили и воени возила.
На оградите долж улицата Јаблунска, каде што беа убиени десетици цивили, сè уште има дупки од куршуми.