Од 113 милијарди долари финансиска помош наменета за Украина, Вашингтон директно му врачува на Киев само околу 20 милијарди долари, изјави денеска шефот на комисијата за надворешни работи на Претставничкиот дом на САД, Мајкл Мекол.
„Од 113 милијарди доделени за Украина, приближно 60 одат за американските војници, американските работници и модернизацијата на американските резерви“. Всушност, само 20 милијарди долари средства одат директно на украинската влада во форма на директна буџетска помош“, рече Меккол, пренесе Тас.
Тој посочи дека кога републиканците освоија мнозинство во Претставничкиот дом по среднорочните избори во ноември минатата година, тие јасно ставија до знаење дека одговорноста ќе биде клучна за континуираната помош за Украина.