СДСМ смета дека после седум години, министерката за внатрешни работи Гордана Јанкулоска секогаш кога нема одговор на клучните прашања за МВР, позицијата министер ја користи како медиум за политичка манипулација.
– Јанкулоска треба да ги познава реалните состојби во Министерството, треба да одговара и на недоговорени прашања, да чита анализи и извештаи од домашни и меѓународни организации, рече на прес-конференција потпретседателот на СДСМ, Фросина Ташевска Ременски.
Таа истакна дека полициските службеници се или маргинализирани или деградирани, или пак се предмет на политички калкулации и пресметки.
– Дипломираните криминалисти повеќе од четири години ги чекаат долго најавуваните јавни огласи како можност да ја докажат својата компетентност, додаде Ташевска Ременски.
