Италијанската крајбрежна стража во петок, пресретна брод со 300 имигранти од Сирија и Авганистан, кои подоцна се префрлени до пристаниште во Сицилија, соопштија официјални лица.
Крајбрежната стража ги забележала додека биле на околу 30 наутички милји од Сиракуза, град во кој изминатите недели е забележан голем број на сириски бегалци, пренесе „Франс прес“.
Со оглед на тоа што повеќето од нив биле дехидрирани, со хеликоптер им е доставена вода на бродот, а подоцна имигрантите се префрлени на два брода на крајбрежната стража и пренесени до пристаништето.
Илјадници азиланти од Сирија, оваа година, пристигнаа во Италија, потсетува „Франс прес“.
Елена Георгиевска