САД ги продолжија летовите со шпионски беспилотни летала над Црното Море по инцидентот со руски борбен авион кој резултираше со соборување на американски дрон, објавија американските власти.
Беспилотно летало RQ-4 Global Hawk вчера прелета над регионот, соопштија официјални лица, додавајќи дека тоа е прва таква мисија по настаните во вторникот.
Пентагон претходно нагласи дека инцидентот нема да го спречи Вашингтон да продолжи со летовите со беспилотни летала.
Соборувањето на дронот MQ-9 беше првиот директен американско-руски инцидент од почетокот на војната во Украина и дополнително ги влоши односите меѓу Вашингтон и Москва, кои меѓусебно се обвинуваат.
Русија ги отфрли американските обвинувања дека два руски ловци Су-24 непромислено летале околу американскиот дрон и тврди дека леталото не дошло во контакт, туку дека дронот паднал по „остриот маневрирање“.
Белата куќа во четвртокот објави видео во кое вели дека ја побива руската верзија на настаните и покажува дека дронот паднал во Црното Море откако бил погоден од руски борбен авион.