Турската Влада денеска им нареди на повеќе државни институции во земјата да бидат во состојба на зголемена готовност поради евенталната американска воена операција во Сирија.
Наредбата, меѓу останантите се однесува и на полицијата, Дирекцијата за справување со елементарни непогоди и вонредни состојби, како и на Црвената полумесечина на Турција.
Телевизијата Хабертурк информира дека Министерството за одбрана на Турција извршува подготовки за општа мобилизација, доколку состојбата на границата со Сирија се влоши.
Дирекцијата за справување со елементарни непогоди и вонредни состојби во реонот на турско-сириската граница веќе има испратено експерти за нуклеарно, хемиско и билолошка заштита, како и опрема за индивидуална заштита на населението.
Последниве денови долж границата со Сирија беа распоредени и дополнителни единици на турската Армија.
Во исто време и либанските власти преземаат мерки за заштита на државните институции и на странските дипломатски мисии, кои би можеле да бидат цел на напади како одогвор на евенталната западна воена акција во Сирија.
Сирискиот претседател Башар ел Асад во понеделникот во интервју за весникот „Фигаро“ предупреди дека евентуалната воена операција на западните земји против Сирија може да доведе во регионална воја на Блискиот Исток.