Густ црн чад се крена над населбите во општина Гази Баба откако се запалила трската на Смилковско езеро во близина на Железарница.
Граѓаните реагираа на социјалните мрежи вознемирени дека е можно да се случил пожар во кругот на неколку компании кои функционираат во фабриката.
Од Инспекторатот на Општина Гази Баба соопштија дека се работи за пожар на трска на Смилковско езеро.
„Инспекторатот е на лице место, повикана е и Противпожарна бригада и се гаси огинот“, соопштија од Инспекторатот.
