Припадници на МВР во соработка со Агенција за безбедност и информирање и надлежните обвинителства во Белград и Нови Сад поради постоење основи на сомнение ги уапсија Д.К.(1988), Д.З.(1971) и Д.Б.(1987) дека сториле кривично дело повикување на насилна промена на уставната регулатива, а Д.Б се товари и за кривично дело недозволено изработување, држење, носење и тргување со оружје и распрскувачки материи.
Тројцата уапсени се обвинети дека ги повикувале граѓаните да се соберат масовно во Белград и насилно да ги урнат Владата и претседателот на Република Србија.
Кај Д.Б., полицијата пронашла карабина со оптика и муниција, која, како што се сомнева, претходно му ја предал М.Ј., кој е приведен поради постоење основи на сомнение дека сторил кривично дело за недозволено изработување, држење, носење и тргување со оружје и експлозивни материи. Се сомничи дека оружјето претходно го отуѓил М.Ј, па се товари и за кривично дело тешка кражба.
Уапсен е и И.Т.(1995) поради постоење основи на сомнение дека сторил кривично дело недозволено изработување, држење, држење и тргување со оружје и распрскувачки материи.
На осомничените им е одредена мерка притвор до 48 часа и со кривична пријава ќе бидат изведени до надлежните обвинителства.