Циклонот Габриел денеска ослабе и се оддалечи од Нов Зеланд додека земјата почна да ги проценува штетите предизвикани од поројните поплави, одроните од кал и силните ветрови што предизвикаа смрт на три лица, а илјадници беа принудени да ги напуштат своите домови.
Габриел, циклонот што стигна до Нов Зеланд во неделата пред да се пресели по источниот брег на Северниот остров, отсече цели градови, однесе фарми, мостови и добиток и потопи куќи, пренесоа светските агенции.
New Zealand has declared a National State of Emergency as Cyclone Gabrielle has caused widespread flooding, landslides, and ocean swells across the island.
Brookfield bridge in Hastings washed away. pic.twitter.com/EWEV8nulc0— Sophia Lambert 🇺🇸 (@DV16FDS5V) February 14, 2023
„За среќа, пројдовме низ најлошото невреме, но сè уште не сме надвор од опасност“, рече министерот за управување со вонредни состојби, Киеран МекАнулти, за време на брифингот за медиумите на телевизија.
„Ова е значајна катастрофа и ќе бидат потребни неколку недели за да се опорават оние области кои се најпогодени… Ние сме во ова на долг рок“, рече министерот.
Од жителите на тешко погодените области сега се бара да штедат вода и храна поради стравувањата од недостиг откако циклонот вчера го принуди Нов Зеланд да прогласи национална вонредна состојба, само трет пат во својата историја.
Cyclone Gabrielle lashed New Zealand, causing extensive flooding, landslides and damage to infrastructure and prompting the country to declare a national state of emergency for only the third time in its history https://t.co/Ali5GD4tVM pic.twitter.com/CFqZ7vXZ0k
— Reuters (@Reuters) February 14, 2023
Делови од Новозеландскиот Северен Остров, дом на околу 75 отсто од петте милиони жители на земјата, ја доживуваат втората голема бура во последните недели. Рекордните дождови минатиот месец предизвикаа поројни поплави, а четири лица го загубија животот.
Екипите за итни случаи вчера пронајдоа тело за кое се верува дека е тело на доброволец пожарникар кој исчезна од неделата вечер по лизгање на земјиштето на плажа во близина на најголемиот град во земјата, Окленд, соопштија властите. Уште две лица се потврдени мртви во заливот Хок, регион на источниот брег на Северниот остров. Властите проценуваат дека досега се раселени повеќе од 10.000 луѓе.
New Zealand says Cyclone Gabrielle caused destruction “not experienced in a generation,” forcing it to declare a national emergency for only the third time in the country’s history. pic.twitter.com/YuXnzu37jW
— DW News (@dwnews) February 14, 2023
Премиерот Крис Хипкинс го нарече овој циклон „најзначајниот временски настан што се случи во Нов Зеланд овој век“, а беше прогласена национална вонредна состојба за една недела.