Маж го загуби животот, а жена со тешки телесни повреди е пренесена во Клиничкиот центар во Скопје каде и е укажана медицинска помош, откако биле пронајдени паднати покрај зграда на булевар „Климент Охридски“ во Скопје.
Како што соопшти МВР, во СВР Скопје вчера во 12.57 часот било пријавено дека пред зграда на булеварот „Климент Охридски“ биле пронајдени паднати 47-годишниот Ф.М. и 39-годишната К.Г., двајцата од Скопје.
– Лекар од Итната медицинска помош кај Ф.М. констатирал смрт, а К.Г. со тешки телесни повреди била пренесена во Комплексот клиники „Мајка Тереза“ за укажување помош, наведуваат од МВР.
Увид бил извршен и се преземаат мерки за расчистување на случајот.