Најновата анкета на Евротинк за 2022 година и резултатите за корупцијата во Македонија и довербата во судството го потврди она што неколку години го говориме, власта предводена од СДС и ДУИ е најкорумпирана, а судството под директна команда на власта, велат од опозициската партија ВМРО-ДПМНЕ во нивното најново партиско соопштение.
„Над 71 отсто од испитаниците истакнале дека власта лошо се справува со корупцијата, и дека истата е коренот на проблемот во државата. Високи 51 отсто дале најслаба оцена 1 за справувањето со корупцијата во државата, додека 20 отсто ја оцениле власта со оцена 2. Само 3 отсто од испитаниците на владата и дали оцена 5. Скандалите на Генералните секретари на владата Рашковски и Зекири, случајот со Ден Дончев, случајот со проневерувањето со европските пари на Лидија Димова, како и случајот со Луи Витон торбата, се само мал дел од илјадниците случаи со корупција и криминал на оваа неспособна власт на СДС и ДУИ“, велат од ВМРО-ДПМНЕ.
Ако на ова се додеде и довербата на граѓаните во судството и обвинителството во државата, велат од партијата, тогаш јасно е дека државата ја водат криминалци.
„Историски најниско ниво на доверба во судството од осамостојувањето на државата со само 6 отсто јасно говори за спрегите на власта во правосудните органи. Огромни 82 отсто од граѓаните немаат доверба во судските органи во државата. Овие резултати се потврда и на претходните меѓународни анкети и извештаи каде што Македонија ја сместува на дното во справување со корупцијата и довербата кон судството“, велат од ВМРО-ДПМНЕ.