Пратениците во Бугарија едногласно со 190 „за“ во второ читање усвоија предлог закон за изменување и дополнување на законот за предучилишно и училишно образование. Со предлог-законот се воведуваат бесплатни учебници за учениците од 1 до 12 одделение, јавува БГНЕС.
Предлог-законот стапува на сила од учебната 2024-2025 година.
Гласањето помина без расправа, а по него од собраниската говорница лидерката на левицата Корнелија Нинова им се заблагодари на пратениците што едногласно го усвоија предлог-законот.