Претседателот на Србија, Александар Вучиќ, преку својот Инстаграм профил се обрати до јавноста за да соопшти дека ќе присуствува на седницата на Собранието на Србија на која ќе разговара за Косово со претставниците на парламентарните партии.
„Државата Србија и нејзините интереси секогаш мора да бидат пред партиските и индивидуалните интереси. Само заедно и обединети можеме да се избориме за подобра иднина на нашата земја“, напиша Вучиќ во описот на видеото во кое меѓу другото вели:
View this post on Instagram
„Пред два дена ја кажав вистината за се што се соочуваме во врска со Косово. Ништо не криев од вас. На сите политички актери им понудив разговор, да ги запознаам со притисоците и со сето она со кое се соочува Србија. Рекоа дека не сакаат да разговараат, добар дел од нив го кажаа тоа. Сакаат јавна демонстрација и настап за нивното политичко делување. Жал ми е што не разбраа дека државата е поважна од политичките интереси на која било партија и секој од нас. Сепак, моја должност е да ги исполнам сите нивни барања, почитувајќи го парламентот. Ќе се појавам во Собранието и ќе одговорам на сите прашања“, рече Вучиќ.