Не само што пратениците се слободни да одлучуваат согласно добиениот мандат, туку ќе порачам дека парламентарното мнозинство ќе биде поголемо од тоа што е и денес, изјави премиерот Ковачевски за време на посетата на Преспа.
Премиерот рече дека претседателот на ВМРО-ДПМНЕ Христијан Мицкоски е човек кој со лага сака да прикрие друга лага, коментирајќи ја изјавата дека паракриминални структури вршат притисок врз пратеници на власта кои сакаат избори.
„Пред една година Мицкоски шеташе низ Собранието велејќи дека има 61 пратеник за да ја сруши Владата, а потоа го видовме таа вечер на клиника. И пред Нова Година кажа дека има 61 пратеник за да ја сруши Владата за сега да каже дека полукриминални структури врселе притисоци, рече Ковачевски.