Македонската ракометна репрезентација шансата за пласман во втората фаза од Светското првенство ќе ја бара во завршната рунда од групниот сегмент откако го доживеа и вториот пораз во прелиминарната рунда. Нашите ракометари загубија од Холандија со 34-24 во дуелот од вторто коло. Во вторник против Аргентина ќе се борат да не бидат последни и да отат во вториот натпреварувачки сегмент на Шампионатот.
Холндија беше доминантна во првите 30 минути на полувреме замина со високи 18-11. Во вториот дел, македонската репрезентација имаше добар период и успеа да намали на четири негатива на која беше неколкупати во средината од полувремето. Но, по 45. минута Холанѓаните повторно ја презедоа комплетната контрола и брзо направија предност од девет гола која до крајот само рутински ја одржуваа.
Каи Смитс со 10 гола ја предводеше Холандија до победата. Филип Кузмановски и Жарко Пешевски со по четири гола беа најефикасни кај нас. Дејан Манасков и Никола Костески постигнаа по три гола.
За нашата селекција ова е втор висок пораз. Во првото коло загубија од Норвешка со 39-27.