Подготовките за префрлање на американскиот систем за противвоздушна одбрана „Патриот“ во Украина веќе се започнати, изјави шефот на украинското Министерство за надворешни работи Дмитриј Кулеба.
Современите системи за противвоздушна одбрана „Патриот“ се вклучени во новиот пакет американска воена помош за Украина, што беше договорен за време на посетата на претседателот на Украина Володимир Зеленски во Вашингтон во декември.
Пентагон ја отфрли можноста да испрати свои специјални сили на обука во Украина, но вети дека ќе ги обучи Украинците за неколку месеци.
„Минатата година ја завршивме со револуционерна одлука да и обезбедиме на Украина американскиот систем „Патриот“, како што се договорија лидерите на Украина и САД, Зеленски и Џозеф Бајден. Ние многу го цениме овој чекор на Соединетите Држави. Очекуваме „Патриот“ да биде распореден што е можно поскоро. Подготовките за трансфер на овие системи се веќе започнати“, изјави Кулеба за време на онлајн брифингот, пренесува РИА Новости.