45-годишен жител на струшкот село Октиси по кој биле распишани три потерници за издржување казна затвор од осум години е приведен денска во Скопје.
– По наредба на Основен суд Скопје 1 Т.О. бил баран за издржување казна од три години и три месеци за сторено кривично дело по член 247, по наредба на Основен суд Струга бил баран за издржување казна од три години и шест месеци за сторено кривично дело по член 247 и по наредба на Казнено-поправната установа Затвор Идризово бил баран за доиздржување затворска казна од една година и три месеци за сторени кривични дела по член 236 и член 246 од Кривичниот законик информира Министерството за внатрешни работи.
Лицето ќе биде спроведено во надлежната казнено-поправна установа за издржување на казната.