Најмалку 38 луѓе загинаа, а над 100 куќи се изгорени во северозападната нигериска држава Кадуна.
Нападот започна доцна навечер во неделата и продолжи до раните утрински часови во понеделникот, кога луѓе вооружени со пушки отворија оган врз локалните жители, јавува „Ројтерс“.
Како што соопштија локалните власти, 46 лица биле убиени во „неиспровоцирани напади“ во јужната област Кадуна во изминатите пет дена и дека доброволците трагаат по исчезнатите лица.
Според информациите, илјадници жители на оваа област ги напуштаат своите домови и заминуваат во други области каде што можат да најдат барем малку безбедност. Од преживеаните, 12 се на болничко лекување.
„Ројтерс“ додава дека во последните години вооружени банди нападнале стотици локални заедници низ северозападна Нигерија, додека во исто време исламските екстремисти продолжуваат со нападите на североистокот на земјата.