Украинскиот новинар Илија Пономаренко на Твитер објави видео на кое се гледа како сега изгледа градот Мариупол. На видеото не се прикажани згради во кои е возможен живот, а сцената изгледа како снимка од хорор филм.
Mariupol.
The hellscape of Russian “liberation.” pic.twitter.com/TKRXFLG65N— Illia Ponomarenko 🇺🇦 (@IAPonomarenko) December 20, 2022
Една од најжестоките битки од почетокот на војната се водела токму за градот Мариупол каде што е лоцирана фабрика за челик Азовстал.
Овој град, кој Русите не успеаја да го освојат за време на претходната војна во 2014 година, преживеа брутален напад на самиот почеток на војната кога цел беше Драмскиот театар, каде што се наоѓаа цивили. Голем дел од инфраструктурата беше уништена за време на руските напади, вклучително и болници. Украинските власти објавија дека околу 90 отсто од зградите во Мариупол се оштетени или уништени.
Борбите за Азовстал траеја до крајот на мај. Се стравува дека во повеќемесечната битка за оваа „тврдина“ загинале над 20.000 цивили, додека според руските податоци се предале вкупно 2.939 украински војници.
Градот е под руска контрола од 17 мај.