Доколку постоеше начин Русија да биде уништена, САД тоа би го направиле веднаш, изјави портпаролката на руското Министерство за надворешни работи, Марија Захарова.
Таа ја коментираше изјавата на прес-секретарот на Белата куќа, Карин Жан-Пјер, дека доколку постои начин да се спречи Русија да учествува во Советот за безбедност на ОН, САД веднаш ќе го искористат, пренесува РИА Новости.
„Доколку постоеше начин да се преземе целата нафта, целиот гас, целото злато, сите дијаманти, целата вода за пиење и се на светот, тие веднаш ќе го сторат тоа. Ако постоеше начин да се преземе универзумот, тие би го направиле и тоа веднаш. Едноставно, не постои таков начин, фала богу“, напиша Захарова на Телеграм.